2025 yilda O‘zbekiston banklarining sof foydasi 15,5 trln so‘mga yetdi

Moliyaviy institutlar rekord daromadlarni namoyish etdi va ko‘rsatkichlarini ikki baravardan ko‘proqqa oshirdi.

2025 yil yakunlariga ko‘ra,O‘zbekiston bank tizimining sof foydasi 15,5 trln so‘mni tashkil etdi. Bu haqdagi ma’lumotni Kapital Depozit investitsiya kompaniyasi e’lon qildi.

Moliyaviy sektorning umumiy foydasi 2024 yilga nisbatan 136% ga oshdi. Foydaning asosiy qismi uchta yirik moliyaviy institut hissasiga to‘g‘ri keldi:

• NBU — 1,92 trln so‘m,
• O‘zsanoatqurilishbank — 1,88 trln so‘m,
• Kapitalbank — 1,79 trln so‘m.

Kapitalbank 2023 yildan beri ilk bor yetakchi uchlikka qaytdi va uchinchi chorak yakunlariga ko‘ra ushbu o‘rinni egallab turgan Hamkorbankni ortda qoldirdi.

Eng yuqori daromadga ega beshta bank qatoriga yillik foydasi 1 trln so‘mdan oshgan Orient Finans Bank hamda 1,70 trln so‘m foyda ko‘rsatgan Hamkorbank kirdi.

Barqaror o‘sishni namoyish etayotgan institutlar orasida KDB Bank Uzbekistan (691 mlrd so‘m) va Davr Bank (631 mlrd so‘m) ajralib turadi. Har ikkala bank ham 2024 yilda kuchli o‘ntalikka kirgan va o‘z pozitsiyalarini saqlab qolgan.
Shuningdek, 2022 yilda daromadlilik pasayganidan so‘ng moliyaviy ko‘rsatkichlarini tizimli ravishda yaxshilab kelayotgan O‘zsanoatqurilishbankning tiklanishi kuzatilmoqda.

Reyting o‘rtasida Ipak Yo‘li Bank (929 mlrd so‘m) va Trastbank (865 mlrd so‘m) mustahkam o‘rin egalladi. Bundan tashqari, pandemiya davri bilan bog‘liq uzoq tanaffusdan so‘ng Xalq Banki 702 mlrd so‘mlik natija bilan yana top-10 talikka qaytdi.