2026-yil “Oskar” mukofoti kimlarga berildi?
AQShning Los Angeles shahrida Amerika Kino Akademiyasi tomonidan taqdim etiladigan 98-Academy Awards (“Oskar”) mukofotlari topshirildi.
Marosimda eng nufuzli mukofot — “Eng yaxshi film” nominatsiyasi “Jang ortidan jang” kartinasiga nasib etdi. Film rejissyori Pol Tomas Anderson ham “Eng yaxshi rejissyor” mukofotini qo‘lga kiritdi.
Shuningdek, u film uchun “Eng yaxshi moslashtirilgan ssenariy” nominatsiyasida ham g‘olib bo‘ldi.
Eng yaxshi aktyor va aktrisa
Bu yilgi mukofotlarda:
- Eng yaxshi erkak aktyor — Maykl B. Jordan, Gunohkorlar filmidagi roli uchun;
- Eng yaxshi ayol aktrisa — Jessi Bakli, Xamnet filmidagi roli uchun.
Ikkinchi darajali rollar
- Eng yaxshi ikkinchi darajali erkak aktyor — Shon Penn, Jang ortidan jang filmidagi roli uchun;
- Eng yaxshi ikkinchi darajali ayol aktrisa — Emi Medigan, Qurollar filmidagi roli uchun.
Eng ko‘p nominatsiya olgan film
Bu yil nominatsiyalar soni bo‘yicha yetakchilikni Gunohkorlar filmi qo‘lga kiritdi. Rejissyor Rayan Kugler suratga olgan xorror-triller 16 ta nominatsiya bilan rekord natija qayd etdi.
Film muallifi “Eng yaxshi original ssenariy” mukofotini ham qo‘lga kiritdi.
Boshqa muhim mukofotlar
- Eng yaxshi animatsion film — Key-pop iblis ovchilari
- Eng yaxshi qo‘shiq — “Golden” (shu film uchun)
- Eng yaxshi hujjatli film — Janob Hechkim Putinga qarshi (rejissyor Devid Borenshteyn va videograf Pavel Talankin)
- Eng yaxshi xorijiy film — Sentimental qiymat
Texnik nominatsiyalar
Bir nechta texnik mukofotlarni Frankenshteyn filmi qo‘lga kiritdi:
- eng yaxshi kostyumlar
- eng yaxshi grim va soch turmaklari
- eng yaxshi postanovkachi rassom ishi
Shuningdek:
- Eng yaxshi vizual effektlar — Avatar: Olov va kul
- Eng yaxshi ovoz — Formula-1