Hoziroq jamg‘arishni boshlasangiz, 65 yoshgacha qancha pul to‘plashingiz mumkin? Hisoblab ko‘rdik va hayratda qoldik
25 yoshingizdan boshlab oyiga 500 000 so‘mdan jamg’armangizga qo’yib borsangiz, 40 yildan keyin, ya’ni 65 yoshingizga milliarderga aylanasiz desak ishonasizmi?
Albatta, sizda trillonlar ham bo’lishi mumkin, lekin biz shunchaki eng kam miqdorda pul yig’ishni boshlab ham 65 yoshingizdan keyin kamida 10 yil puldan xavotirlanmay yashay olishingiz haqida qiziq yo’l xaritasi tuzib beramiz. Bu juda kichik va hatto kulgili tuyiladi, lekin kichik jamg’armalar kuchi siz o’ylaganingzidan ancha ko’pligiga hozir guvoh bo’lasiz.
Nima uchun aynan 25 yoshdan boshlash muhim?
25 yosh — moliyaviy jihatdan eng qulay start yosh, chunki vaqt ko‘p (40 yil va undan ortiq), foizlar yillar davomida murakkab tarzda o‘sadi, kichik summalar ham katta kapitalga aylanadi. Shuning uchun aynan 25 yoshdan boshlab muntazam jamg‘arish — katta ustunlik beradi.
Biz sarmoyani O‘zbekiston sharoitida o‘rtacha deb hisoblangan yillik 15% daromad bilan hisoblaymiz.
- Boshlang‘ich yosh: 25 yosh
- Yakuniy yosh: 65 yosh
- Sarmoya muddati: 40 yil
- Oylik sarmoya: 500 000 so’m
- Yillik daromad: 15%
Murakkab foiz formulasi yordamida hisoblaganimizda, 40 yildan keyingi jamg‘armaning nominal (raqamiy) miqdori 15,5 milliard so‘m bo’ladi.
7 miliard 40 yildan keyin qanday qiymatda bo’ladi?
15,5 milliard so‘m 40 yildan keyin katta raqam bo‘lib ko‘rinadi, lekin uning haqiqiy qiymati inflyatsiya tufayli pasaygan bo‘ladi. Keling, o‘rtacha 8% yillik inflyatsiya ssenariysini hisobga olamiz.
7 milliard so‘mning 40 yildan keyingi real qiymati bugungi narxda 638 million atrofida bo’ladi. Bu degani, hozir 638 million so’mga nimalar xarid qila olsangiz, 40 yildan keyin 15,5 milliardga ham taxminan shularni xarid qilishingiz mumkin bo’ladi. Bu pul Toshkentda yaxshi kvartira olishga yoki juda yaxshi qo‘shimcha pensiya hisoblanadi.
40 yildan keyin 15,5 miliardga necha yil yashash mumkin?
Bugungi kunda bir kishining o‘rtacha qulay yashashi oyiga 4 million so‘mga tushadi. 8 foizli inflatsiya bilan hisoblasak, 40 yildan keyin oyiga 87 million so’m sarflashga to’g’ri keladi. Bu degani 1 yilda 1 millarddan ziyod sarflaysiz va sizning 15,5 millard pulingiz maksimal 15 yil yashashingiz yetadi
25 yoshda oyiga 500 ming so‘m ajratish ajoyib boshlanishdir. Murakkab foiz hisobiga sizning jamg‘armangiz juda katta summaga yetadi.
Lekin moliyaviy barqarorlik uchun asosiy qoida shuki, pensiyaga chiqqaningizdan keyin ham pulingiz ko’payishi davom etishi xavfsizligingiz uchun muhim. Hozir necha yosh ekaningizni ahamiyati yo’q, ha siz kech qolmadingiz, hozirgi oynining o’zidan 500 ming so’m jamg’arishni boshlang, balki keyingi oylar 1 million so’mdan qo;shib borasiz, eng yomon senariyda ham pulingiz 40 yildan keyin 15, millarddan kam bo’lmaydi.
Sizga yoqadi
