O‘zbekistonda bir vaqtning o‘zida bir nechta turdagi pensiya olish mumkinmi?
O‘zbekiston Pensiya jamg‘armasi fuqarolarga bir vaqtning o‘zida bir nechta turdagi pensiya olish masalasi bo‘yicha rasmiy tushuntirish berdi.
Jamg‘arma matbuot xizmatining ma’lum qilishicha, “Fuqarolarning davlat pensiya ta’minoti to‘g‘risida”gi qonunning 4-moddasiga asosan, agar fuqaro bir nechta turdagi pensiya olish huquqiga ega bo‘lsa, ularning faqat bittasini tanlab olish mumkin.
Qayd etilishicha, qonunchilikka muvofiq, fuqarolarga ikki yoki undan ortiq turdagi pensiyalarni bir vaqtning o‘zida olishga ruxsat etilmaydi. Bunday holatda pensiya oluvchi o‘zi uchun eng maqbul va foydali bo‘lgan pensiya turini mustaqil ravishda tanlash huquqiga ega.
Pensiya jamg‘armasi fuqarolarni noto‘g‘ri talqinlar va turli mish-mishlarga ishonmaslikka, pensiya ta’minotiga oid masalalarda rasmiy manbalarga tayanishga chaqirdi.
Sizga yoqadi
