O‘zbekistonda Hult Prize tanlovi rasman boshlandi
Dunyo miqyosida “talabalar uchun Nobel mukofoti” sifatida tanilgan Hult Prize xalqaro tanlovi ilk bor O‘zbekiston talabalari uchun rasman yo‘lga qo‘yildi.
Mazkur tanlov ijtimoiy muammolarga innovatsion yechimlar taklif qiluvchi talabalar startaplarini qo‘llab-quvvatlash, yoshlarning tadbirkorlik va yetakchilik salohiyatini rivojlantirishga qaratilgan. Har yili 130 dan ortiq mamlakatdan minglab talabalar ushbu nufuzli tanlovda ishtirok etadi.
Hult Prize doirasida talabalar ijtimoiy startap loyihalari bilan ishtirok etib, xalqaro mentorlar bilan ishlash, milliy va global bosqichlarda o‘z g‘oyalarini taqdim etish hamda 1 million AQSh dollari miqdoridagi investitsiya uchun bellashish imkoniyatiga ega bo‘ladi.
Tanlovda O‘zbekiston Respublikasidagi barcha oliy ta’lim muassasalari talabalari ishtirok etishi mumkin. Bu bakalavriat, magistratura, PhD va doktorantura bosqichlaridagi talabalarni, shuningdek, ta’lim shaklidan qat’iy nazar barcha qatnashchilarni qamrab oladi.
Ishtirok etish uchun hultprize.org rasmiy veb-saytiga kirish Startap loyihani ro‘yxatdan o‘tkazish talab etiladi.
Yangiliklarni baham ko'ring
Sizga yoqadi
