O‘zbekistonga pul o‘tkazmalari hajmi 13 foizga oshdi
2026-yilning birinchi choragida O‘zbekistonga xorijdan pul o‘tkazmalari hajmi sezilarli darajada oshdi. O‘zbekiston Markaziy banki ma’lumotlariga ko‘ra, ushbu davrda mamlakatga jami 3,8 milliard dollar miqdorida valyuta kelib tushgan.
Bu ko‘rsatkich o‘tgan yilning mos davriga nisbatan 433 million dollarga yoki 13 foizga ko‘pdir.
Markaziy bank sharhiga ko‘ra, 2026-yilning yanvar–mart oylarida:
- xorijiy valyutaga bo‘lgan umumiy talab 14,6 milliard dollarni,
- taklif esa 12,2 milliard dollarni tashkil etdi.
Natijada, talab taklifdan yuqori bo‘lib shakllangan. Bu asosan yuridik shaxslar tomonidan valyuta xaridining oshgani bilan izohlanmoqda.
Hisobot davrida aholi banklarga 6 milliard dollar xorijiy valyuta sotgan,banklardan esa 3,2 milliard dollar sotib olgan.
Shu tariqa, aholining valyuta taklifi talabdan 2,9 milliard dollarga ko‘p bo‘lgan.
Mutaxassislar qayd etishicha, aholining valyuta sotuvidagi asosiy manba xorijdan yuborilgan pul o‘tkazmalari bo‘lib qolmoqda.
Shu bilan birga, 2026-yilning birinchi choragida mamlakatdan tashqariga yuborilgan pul o‘tkazmalari hajmi 604 million dollarni tashkil etdi. Bu o‘tgan yilning mos davridagi 565 million dollarga nisbatan oshganini ko‘rsatadi.
Keltirilgan ma’lumotlar O‘zbekistonda valyuta oqimlari faollashganini ko‘rsatadi. Xususan, pul o‘tkazmalari hajmining ortishi aholining daromad manbalari va tashqi iqtisodiy aloqalar barqarorligini aks ettiradi.