O‘zbekistonlik haydovchilar Bolgariyaga ishga taklif qilinmoqda
O‘zbekistonlik fura va avtobus haydovchilari uchun Bolgariyada ishlash imkoniyati yaratilmoqda.
Bu haqda Migratsiya agentligi xabar berdi.
Qayd etilishicha, ish haftasi 6 kundan iborat bo‘lib, oylik maosh 2 ming AQSh dollaridan boshlanadi. Ish hajmiga qarab daromad miqdori oshib borishi mumkin.
Ish beruvchi asosan fura va avtobus haydovchilarini ishga qabul qiladi. Nomzodlarga qo‘yiladigan asosiy talablar — 20 yoshdan 55 yoshgacha bo‘lgan erkaklar bo‘lishi hamda rus tilida erkin muloqot qila olishidir.
Ma’lumotlarga ko‘ra, ish beruvchi bilan suhbatlar 2026-yil mart–aprel oylarida tashkil etiladi.
Mazkur ish taklifiga qiziqish bildirgan fuqarolar maxsus havola orqali ro‘yxatdan o‘tishlari mumkin.
Qo‘shimcha ma’lumot olish uchun quyidagi telefon raqamiga murojaat qilish mumkin: 95-933-99-90.