O‘zbekistonliklar bitta taksi qatnovi uchun qancha to‘laydi?
2025 yil yilda mamlakat bo‘ylab taksi haydovchilari 479 mln marta yo‘lovchi tashigan.
2025 yil yakunlariga ko‘ra,mamlakat bo‘ylab taksi haydovchilari 479 mln marta yo‘lovchi tashigan. Bu jarayondagi umumiy aylanma 9,6 trln so‘mni tashkil etgan bo‘lib, uning qariyb 70 foizi naqd pul hisobiga to‘g‘ri keladi. O‘rtacha bitta qatnov narxi esa 20,1 ming so‘m bo‘lgan.
Respublika bo‘yicha taksi haydovchilari soni 574,4 mingdan oshgan. Ularning asosiy qismi — 59,1 foizi — 30–50 yosh oralig‘idagi fuqarolar.
Eng ko‘p foydalanilayotgan avtomobillar quyidagilar:
- Cobalt — 23,7 foiz;
- Nexia — 20,7 foiz;
- Lacetti — 16,9 foiz.
Hozirda 224 ta taksi agregatori ro‘yxatdan o‘tgan bo‘lib, ular tomonidan jami 128,2 mlrd so‘m soliq to‘langan. Asosiy soliq tushumlari Yandex Go hissasiga to‘g‘ri keladi.
Haydovchilarning daromadlariga kelsak, bu borada Soliq qo‘mitasi aniq statistik ma’lumotlarni e’lon qilmagan. Shunga qaramay, 2025 yilning 11 oyi davomida Yandex platformasida ishlagan haydovchilarning o‘rtacha oylik daromadi 10,9 mln so‘mni tashkil etgani ma’lum bo‘lgan.
Ta’kidlanishicha, viloyatlarda boshqa taksi agregatorlari orqali faoliyat yuritayotgan haydovchilarning daromadi bu ko‘rsatkichdan pastroq bo‘lishi mumkin
Yangiliklarni baham ko'ring
Sizga yoqadi
