O‘zbekistonliklar Volkswagen zavodida ishlashga taklif etilmoqda
Migratsiya agentligi O‘zbekiston fuqarolari uchun Yevropada ish imkoniyatini e’lon qildi. Nomzodlar Volkswagen kompaniyasining Bratislava shahridagi zavodida ishga taklif etilmoqda.
Ma’lum qilinishicha, ish haftasiga 5 kun bo‘lib, xodimlar ishlab chiqarish jarayonida operator sifatida faoliyat yuritadi. Oylik maosh 1000 dollardan boshlanadi va bajarilgan ish hajmiga qarab oshib boradi.
Vakansiya bo‘yicha talablar quyidagicha:
- 20–45 yosh oralig‘idagi erkaklar
- rus tilida erkin muloqot qila olish
- ishlab chiqarish sohasida tajriba
Qiziqqan nomzodlar maxsus ro‘yxatdan o‘tish havolasi orqali ariza topshirishlari mumkin.