2025-yilda O‘zbekistonda 438 ming fuqaro o‘z nomiga kredit rasmiylashtirishni taqiqladi
2025-yilda O‘zbekistonda 438 mingdan ortiq fuqarolar o‘z nomiga kredit rasmiylashtirilishini ixtiyoriy ravishda taqiqladi.
2025-yilda O‘zbekistonda 438 mingdan ortiq fuqarolar o‘z nomiga kredit rasmiylashtirilishini ixtiyoriy ravishda taqiqladi. Eng faol guruh — 26–35 yoshdagilar, ular foydalanuvchilarning uchdan bir qismini tashkil qiladi.
Xizmat 6-iyundan ishga tushib, yil davomida faoliyat ko‘rsatdi: iyun–oktabr oylarida oyiga 33–42 ming kishi, noyabr–dekabr oylarida esa qariyb 247 ming fuqaro ro‘yxatdan o‘tdi.
Mazkur xizmat orqali shaxslar kredit bitimi tuzishi taqiqlangan shaxslar reyestriga kiritilishi yoki chiqarilishi mumkin. Bu chora 4-martdagi qonun asosida joriy etilgan bo‘lib, fuqarolar nomiga ularning xabarisiz kredit rasmiylashtirilishini oldini olishga qaratilgan.
Xizmat bepul bo‘lib, Kredit byurosi veb-sayti yoki my.gov.uz orqali foydalanish mumkin.
