2030-yilga borib O‘zbekistonda o‘rtacha umr davomiyligi 78 yoshga yetkaziladi
O‘zbekistonda aholining o‘rtacha umr davomiyligini 2030-yilgacha 78 yoshga yetkazish rejalashtirilmoqda.
“O‘zbekiston–2030” strategiyasining takomillashtirilgan loyihasiga ko'ra, uzoq umr bo'yicha ko‘rsatkich bosqichma-bosqich amalga oshiriladi. Xususan, 2026-yilda o‘rtacha umr davomiyligi 75,5 yoshni, 2027-yilda 76 yoshni, 2028-yilda 76,8 yoshni, 2029-yilda 77,5 yoshni tashkil etib, 2030-yilga kelib 78 yoshga yetishi kutilmoqda.
Bunga erishish uchun sog‘liqni saqlash tizimini moliyalashtirish kuchaytiriladi. 2030-yilga borib davlat byudjetidan sog‘liqni saqlashga ajratiladigan xarajatlar yalpi ichki mahsulotning 5 foizigacha oshiriladi.
Shuningdek, strategiyada erta o‘lim ko‘rsatkichlarini kamaytirish choralari ham nazarda tutilgan. Jumladan, 30–69 yosh oralig‘ida yurak-qon tomir kasalliklaridan kelib chiqadigan erta o‘lim 27 foizgacha, onkologik kasalliklardan esa 5,2 foizgacha qisqartirilishi rejalashtirilgan. Qandli diabet bilan kasallangan bemorlarni davolash bilan to‘liq qamrab olish, nafas yo‘llari kasalliklaridan erta o‘limni 1,5 foizdan oshirmaslik va sil kasalligi bilan kasallanish darajasini 33 foizdan yuqori bo‘lmagan darajada ushlab turish ko‘zda tutilmoqda.
Milliy statistika qo‘mitasi ma’lumotlariga ko‘ra, so‘nggi yillarda O‘zbekistonda o‘rtacha umr davomiyligi izchil oshib bormoqda. Xususan, 202- yilda bu ko‘rsatkich 74,7 yoshni, 2024-yilda esa 75,1 yoshni tashkil etgan.
