O‘zbekistonda metan zapravkalarga qo‘yilgan cheklovlar olib tashlandi
30 dekabr kunidan Avtomobillarga metan gaz to‘ldirish kompressor shoxobchalari ish vaqtiga o‘zgartirish kiritilgani ma'lum qilindi.
O‘zbekistonda gazli avtomobil yoqilg‘i quyish shoxobchalari endi cheklovlarsiz faoliyat yuritadi. Bu haqda Energetika vazirligi xabar berdi.
Ma’lumotlarga ko‘ra, yoqilg‘i quyish shoxobchalari endilikda sutka davomida 24 soat ishlaydi. Kecha-yu kunduz ishlash tartibi bugun, 30-dekabr kuni soat 09:00 dan boshlab kuchga kiradi.
Eslatib o‘tamiz, avvalroq hukumat gaz zapravkalari ish vaqtiga cheklovlar joriy qilgan edi. Ushbu cheklovlar keskin sovuq tufayli aholining issiqlik bilan ta’minlash ehtiyojlarini qondirish maqsadida kiritilgan edi.
