2026-yilda o‘zbekistonliklar uchun dam olish kunlari qaysi sanalar bo'ladi?
2026-yilda ayrim bayram sanalari dam olish kunlariga to‘g‘ri kelgani sababli qo‘shimcha ishlanmaydigan kunlar belgilanadi va dam olish kunlari boshqa sanalarga ko‘chiriladi.
Bu haqda prezident tomonidan imzolangan farmonda belgilandi.
Hujjatga muvofiq, ish haftasining turidan qat’i nazar barcha xodimlar uchun 2026-yilda quyidagi kunlar qo‘shimcha dam olish kuni etib belgilandi:
- 2-yanvar (juma)
- 28-may (payshanba)
- 29-may (juma)
- 31-avgust (dushanba)
Shuningdek, olti kunlik ish haftasida ishlaydigan xodimlar uchun qo‘shimcha dam olish kunlari quyidagicha belgilanadi:
- 3-yanvar (shanba)
- 30-may (shanba)
- 31-dekabr (payshanba)
Mehnat kodeksining 208-moddasiga asosan, 2026-yilda ayrim bayram kunlari dam olish kunlariga to‘g‘ri kelgani sababli quyidagi tartibda ko‘chiriladi:
- 8-mart — Xotin-qizlar kuni yakshanbaga to‘g‘ri kelgani sababli 9-mart (dushanba) ga;
- 21-mart — Navro‘z bayrami besh kunlik ish haftasida ishlaydiganlar uchun shanbaga to‘g‘ri kelgani bois 23-mart (dushanba) ga;
- 9-may — Xotira va qadrlash kuni shanbaga to‘g‘ri kelgani sababli 11-may (dushanba) ga ko‘chiriladi.
Bundan tashqari, farmonga ko‘ra, besh kunlik ish haftasida ishlaydigan xodimlar uchun 2026-yilda dam olish kuni 12-dekabr (shanba) kunidan 31-dekabr (payshanba) kuniga ko‘chiriladi.
