2030-yilgacha o‘zbekistonliklar 50 ta davlatga vizasiz safar qilishi mumkin bo‘ladi
O‘zbekiston 2030 yilga qadar fuqarolar uchun vizasiz borish mumkin bo‘lgan davlatlar sonini 50 taga yetkazishni rejalashtirmoqda.
Bu 2026–2030 yillarga mo‘ljallangan yangilangan rivojlanish strategiyasi loyihasida nazarda tutilgan.
Rejalarga ko‘ra, vizasiz sayohat yo‘nalishlari bosqichma-bosqich kengaytiriladi: 2028 yilga kelib vizasiz davlatlar soni 45 taga, 2029 yilda 48 taga, 2030 yilga borib esa 50 taga yetishi kutilmoqda.
Shuningdek, elektron viza, yetib kelganda viza kabi soddalashtirilgan kirish tartibi amal qiladigan davlatlar sonini 2026–2030 yillarda 60 taga yetkazish rejalashtirilgan. Hozirda o‘zbekistonliklar 35 ta davlatga vizasiz, yana 42 ta davlatga esa soddalashtirilgan tartibda borishlari mumkin.
