Toshkentda O‘zbekistondagi birinchi Burger King ochildi. Narxlarni ko’rib chiqamiz
16-dekabr kuni Toshkentda, “Beruniy” metro bekati yaqinida O‘zbekistondagi birinchi Burger King restorani ochildi.
16-dekabr kuni Toshkentda, “Beruniy” metro bekati yaqinida O‘zbekistondagi birinchi Burger King restorani o‘z eshiklarini ochdi. Ochilish marosimida AQSh elchisi Jonatan Henik va International Beverages Tashkent asoschisi Shuhrat Ergashev ishtirok etdi.
Tadbirda mijozlarning asosiy e’tibor markazida Vopper burgerlari bo'ldi. Mijozlar asosan yoshlar bo‘lib, ko‘pchiligi kombo buyurtma qilishni afzal ko'rishgan. Narxlar quyidagicha: Vopper Junior – 24 000 so‘m, Chizburger – 29 000 so‘m, Vopper – 43 000 so‘m, Vopper Kombo – 58 000 so‘m.
Shuhrat Ergashevning ta’kidlashicha, Burger King O‘zbekistonga kirishi mahalliy bozor sifatini oshiradi va raqobatni kuchaytiradi. Burgerhouse boshqaruvchisi Dilshod Abdubekov tarmoqni viloyatlarga kengaytirish rejalari borligini ma’lum qildi: Samarqand, Buxoro, Farg‘ona va Andijonga filiallar ochilishi kutilmoqda.
Burger King O‘zbekistonga kirishi bilan mamlakatda tez tayyorlanadigan taomlar bozorida yangi standartlar va raqobat kuchayishi kutilmoqda.
Sizga yoqadi
