Apple va Syuzan Fang 3D‑gulchambarli aksessuarlar kolleksiyasini chiqardi — narxi 120 dollar

Apple dunyoga mashhur dizayner Syuzan Fang bilan hamkorlikda yangi aksessuarlar kolleksiyasini taqdim etdi. Uning o‘ziga xos jihati shundaki, barcha chiroyli gulchambarli qoplar 3D‑printer yordamida ishlab chiqariladi va har biri o‘rtacha 120 dollar narxida sotiladi.

Susan Fang rasmiy saytiga ko‘ra, quyidagi 3D‑printlangan aksessuarlar mavjud:

3D “Gullar” iPhone qopi — iPhone uchun gullar shaklidagi 3D‑print qop, narxi £70–£120 (taxminan 90–155 AQSh dollari).

3D “Gullar” Apple Watch tasmasi — Apple Watch smart‑soati uchun 3D‑printlangan bilak tasmasi, narxi £80–£115 (taxminan 100–150 AQSh dollari).

3D “Gullar” AirPods qopi — AirPods simsiz quloqchinlari uchun 3D‑print qop, narxi £115–£165(taxminan 150–215 AQSh dollari).

3D“Gullar” MagSafe zaryadlovchi qopi — MagSafe zaryadlash qurilmasi uchun 3D‑print qop, narxi £85–£116 (taxminan 110–150 AQSh dollari).

3D “Lucky Clover” iPad qopi — iPad planshetlari uchun maxsus 3D‑print qop, narxi £240–£260(taxminan 300–340 AQSh dollari).

Ushbu loyiha — Apple va Susan Fang o‘rtasidagi dizayn hamkorligi bo‘lib, u 3D‑print texnologiyasini moda va texnologiya bilan birlashtiradi.

Dizayner va uning jamoasi algoritmik dizayn asosida tabiat shakllarini (gul, sakura, o‘tlar kabi motivlar) yaratgan.

Aksessuarlar buyurtma bo‘yicha tayyorlanadi va har bir buyum maxsus mijoz uchun ishlab chiqariladi.

Dizayner Syuzan Fang bu loyihani “kelajak hunarmandchiligi” deb ataydi — ya’ni raqamli texnologiyalar bilan ijodiy yondashuvning uyg‘unligi. Har bir aksessuar organik shakllar va gullar motivlari bilan ajralib turadi, go‘yoki ular tabiatdan “o‘sib chiqqandek”.

iPhone uchun qoplarning narxi o‘rtacha 120 dollar bo‘lsa, rasmiy saytida narxlar biroz yuqoriroq — 70–120 funt sterling atrofida.

Apple ixlosmandlarini o‘ziga tortadigan bu yangi kolleksiya 3D‑texnologiya va dizaynning mukammal uyg‘unligini namoyish etmoqda.