Moliya va ITga talab oshgan : O‘zbekistonda eng tez o‘sayotgan xizmat turlari qaysilar?
2025 yilning yanvar–oktyabr oylarida O‘zbekistonda ko‘rsatilgan bozor xizmatlari hajmi 818,5 trln so‘mni tashkil etdi. Ayrim xizmat turlarida o‘sish sur’atlari o‘rtacha ko‘rsatkichdan ancha yuqori bo‘lgan
Milliy statistika qo‘mitasi ma’lumotlariga ko‘ra, eng katta o‘sish moliyaviy xizmatlar hissasiga to‘g‘ri kelib, ushbu sohada xizmatlar hajmi o‘tgan yilga nisbatan 124,5 foizga oshgan. Shuningdek, raqamli iqtisodiyot bilan bog‘liq yo‘nalishlar ham yuqori dinamikani namoyon etmoqda.
Xizmat turlari bo‘yicha o‘sish sur’atlari quyidagicha:
- Moliyaviy xizmatlar — 124,5 %
- Aloqa va axborotlashtirish xizmatlari — 119,6 %
- Ijara xizmatlari — 119,4 %
- Sog‘liqni saqlash sohasidagi xizmatlar — 115,4 %
- Me’morchilik va muhandislik xizmatlari — 114,6 %
- Transport xizmatlari — 113,4 %
- Savdo xizmatlari — 113,0 %
- Boshqa xizmatlar — 112,9 %
- Kompyuter va maishiy tovarlarni ta’mirlash — 112,4 %
- Shaxsiy xizmatlar — 111,6 %
- Ko‘chmas mulk bilan bog‘liq xizmatlar — 111,4 %
- Yashash va ovqatlanish xizmatlari — 108,8 %
- Ta’lim sohasidagi xizmatlar — 106,8 %
Mutaxassislar fikricha, moliya va axborot texnologiyalari sohasidagi faollikning oshishi iqtisodiyotda raqamlashtirish jarayonlari tezlashayotganidan dalolat beradi. Shu bilan birga, sog‘liqni saqlash, muhandislik va transport xizmatlaridagi o‘sish ichki talab barqaror saqlanayotganini ko‘rsatmoqda.
