O‘zbekiston fuqarolarining Turkiyaga safarlari 17,4 foizga oshdi
2025 yilda Turkiyaga tashrif buyurgan O‘zbekiston fuqarolari soni 468 mingdan oshdi. Bu haqda Milliy statistika qo‘mitasi ma’lum qildi.
Statistik ma’lumotlarga ko‘ra, 2024 yilning yanvar–dekabr oylariga nisbatan safarlar soni 39,7 ming kishiga ko‘payib, 17,4 foizga o‘sgan.
Turkiyaga amalga oshirilgan safarlarning asosiy qismi sayohat maqsadlariga to‘g‘ri kelgan — 201 838 nafar fuqaro. Shuningdek, 58 983 kishi qarindoshlarini ziyorat qilish uchun borgan. Davolanish maqsadida 3 704 nafar, ta’lim olish uchun 2 496 nafar, xizmat safari bilan esa 1 955 nafar fuqaro Turkiyaga tashrif buyurgan.
Avvalroq xabar qilinganidek, 2025 yilning dastlabki olti oyida O‘zbekiston fuqarolari xorijiy davlatlarga qariyb 3,5 million sayyohlik safari amalga oshirgan. Asosiy yo‘nalishlar sifatida Qirg‘iziston, Qozog‘iston va Tojikiston qayd etilgan. Shu bilan birga, Rossiya, Saudiya Arabistoni, Turkiya, Birlashgan Arab Amirliklari, Misr, Tailand va Vyetnam ham mashhur yo‘nalishlar qatoridan joy olgan. Tailandga bo‘lgan qiziqishning oshgani alohida ta’kidlangan.
