O‘zbekiston turizm o‘sishi bo‘yicha dunyoda kuchli oltilikka kirdi — UN Tourism hisoboti
O‘zbekiston 2024-yilning yanvar-sentabr oylarida xalqaro turistlar oqimining o‘sishi bo‘yicha dunyodagi eng yaxshi ko‘rsatkichga ega 20 ta davlat qatoridan joy oldi.
Birlashgan Millatlar Tashkilotining Turizm tashkiloti (UN Tourism) 2025-yil noyabr holatiga ko‘ra e’lon qilgan hisobotida dunyo mamlakatlaridagi turistik oqimni 2019-yil (pandemiyadan oldingi davr) bilan solishtirdi.
Tahlillarga ko‘ra, O‘zbekiston pandemiyadan keyingi tiklanish va o‘sish sur’atlari bo‘yicha jahonda 6-o‘rinni egallagan. O’zbekistonga kelgan xalqaro sayyohlar soni 2019-yilning mos davriga nisbatan 73 foizga oshgan.
Eng yuqori o‘sish qayd etgan TOP-10 davlat:
- Butan — +203%
- Qatar — +138%
- El-Salvador — +88%
- Albaniya — +83%
- Bahrayn — +76%
- O‘zbekiston — +73%
- Kyurasao — +68%
- Moldova — +63%
- Efiopiya — +58%
- Tanzaniya — +57%
Mintaqaviy vaziyat
Reytingdan ko‘rinib turibdiki, O‘rta Osiyo mintaqasida O‘zbekiston yaqqol yetakchilik qilmoqda. Shuningdek, kuchli yigirmatalikdan Saudiya Arabistoni (+56%), Marokash (+47%) va Misr (+45%) kabi an’anaviy turistik markazlar ham joy olgan bo‘lsa-da, o‘sish sur’ati bo‘yicha O‘zbekistondan ortda qolgan.
Ma’lumot uchun: Ushbu hisobot 2025-yilning avgustigacha bo‘lgan ma’lumotlarini taqdim etgan davlatlar ko‘rsatkichlari asosida shakllantirilgan.
Eslatib o‘tamiz, so‘nggi yillarda O‘zbekistonda vizasiz rejimning kengaytirilishi va transport logistikasining yaxshilanishi xalqaro sayyohlar oqimining keskin ko‘payishiga xizmat qilmoqda.