O‘zbekistonda pulli yo‘llar tariflari qanday belgilanadi?
O‘zbekistonda pulli yo‘llar tariflari masofa, hudud va transport turiga qarab belgilanadi, deya ma’lum qildi Avtomobil yo‘llari qo‘mitasi raisi Jamshid Tursunov.
Uning ta’kidlashicha, yo‘l operatorlari tariflarni o‘z xohishiga ko‘ra oshira olmaydi, hatto noqulay ob-havo yoki tig‘iz paytlarda ham.
Tariflar belgilanishi va nazorat
- Pulli yo‘llarda to‘lov miqdorini belgilash mezonlari “Avtomobil yo‘llari to‘g‘risida”gi qonunda ko‘rsatilgan.
- Tariflarni shakllantirish va tasdiqlash Vazirlar Mahkamasiga berilgan.
- Yo‘l operatorlari sun’iy narx oshirish huquqiga ega emas.
Tariflar qanday farqlanadi?
- Hududiy yo‘llarda – ijtimoiy holat va mahalliy ehtiyojlar hisobga olinadi.
- Yirik yo‘llarda, masalan Toshkent-Samarqand va Toshkent-Andijon – tariflar tranzit salohiyati, transport turi (yengil avtomobil, yuk mashinasi, avtobus) va yuk holatiga qarab belgilanadi.
Mablag‘lar shaffofligi
- Pulli yo‘llardan tushgan mablag‘larning bir qismi yo‘llarni saqlashga, qolgan qismi budjetga yo‘naltiriladi.
- Davlat-xususiy sheriklik loyihalarida mablag‘lar taqsimoti shartnomalarda belgilangan.
- “Shaffof yo‘l” platformasi orqali har bir loyiha bo‘yicha onlayn mablag‘ va ish hajmi haqida ma’lumotlar taqdim etiladi. Masalan, Urganch–Xiva pulli yo‘li qurilishi shu tizimda kuzatilmoqda.
Yangi pulli yo‘l loyihalari
- 2026-yilda Urganch–Xiva birinchi pulli yo‘l sifatida ishga tushadi.
- Toshkentdan Samarqand, Andijon va Chorvoq yo‘nalishlarida yangi yo‘llar qurilishi boshlanadi.
- Toshkent–Samarqand yo‘li 2,25 mlrd dollarga, Toshkent–Angren–Qamchiq yo‘li 3,66 mlrd dollarga baholangan.
- Toshkent–Chorvoq yo‘li loyihasi 52 km uzunlikda va 3 yil ichida amalga oshiriladi.