O‘zbekistonliklar 10 oyda go‘zallik salonlari va sartaroshxonalarga 10 trillion so‘mdan ortiq sarfladi
2025-yilning yanvar–oktyabr oylarida O‘zbekistonda sartaroshxona va go‘zallik salonlari xizmatlari hajmi 10,3 trillion so‘mga yetdi.
Bu ko‘rsatkich o‘tgan yilning shu davriga nisbatan 11 foizga oshgan, deya ma’lum qildi Milliy statistika qo‘mitasi.
Eng katta xarajatlar Toshkent shahri hissasiga to‘g‘ri kelib, poytaxt aholisi ushbu xizmatlarga 1,7 trillion so‘mdan ortiq mablag‘ sarflagan. Keyingi o‘rinlarda Farg‘ona (1,4 trln so‘m) va Samarqand (1,3 trln so‘m) viloyatlari qayd etildi.
Hududlar kesimida eng kam ko‘rsatkich Sirdaryo viloyatida bo‘lib, bu yerda 10 oyda 140,5 milliard so‘mlik xizmatlar ko‘rsatilgan.
Shuningdek, 2025-yilning dastlabki o‘n oyida sport, ko‘ngilochar va dam olish sohalaridagi xizmatlar hajmi 3,7 trillion so‘mni tashkil etdi. Bu esa o‘tgan yilga nisbatan 16 foizlik o‘sishni anglatadi.
