TIV bir yilda xorijdagi o‘zbekistonliklarga 746,5 ming dollar yordam ajratdi
2025-yilda O‘zbekiston Tashqi ishlar vazirligi xorijdagi 4 mingdan ortiq fuqaroga 746,5 ming dollar moddiy yordam ko‘rsatdi.
Shu yil davomida 162 376 nafar yurtdosh konsullik xizmatlaridan foydalangan, 15 215 nafariga ish topishga ko‘maklashilgan. Bu haqda Tashqi ishlar vazirligi ma'lum qildi.
Shuningdek, xorijdagi vaqtincha saqlash muassasalarida bo‘lgan 2 ming nafar O‘zbekiston fuqarosi ozod etilgan, 250 nafar voyaga yetmagan yoki og‘ir hayotiy sharoitga tushgan shaxs vatanga qaytarilgan.
Vazirlik xabariga ko‘ra, 2025 yilda xorijdagi yurtdoshlar ishtirokida 5,5 mingdan ortiq madaniy-ma’rifiy tadbirlar o‘tkazilib, ularga 100 mingga yaqin fuqarolar jalb qilingan. Shu bilan birga, chet el fuqarolari uchun 188 299 ta O‘zbekiston vizasi rasmiylashtirilgan.
Oldinroq 2025 yilda Rossiya, Ukraina va Moldova orqali 1 300 dan ortiq yurtdoshimiz O‘zbekistonga qaytarilgani xabar qilingan.
