Toshkent bosh rejasi $16,2 mlrd qiymatidagi 31 yirik investitsiya loyihasi uchun yangilandi
Loyihalar uchun jami 2311 gektar yer maydoni ajratiladi.
Toshkent shahrining bosh rejasi $16,2 milliardga teng yirik investitsiya loyihalarini amalga oshirish maqsadida o‘zgartirildi. 31 ta tashabbus poytaxtni kompleks ijtimoiy‑iqtisodiy rivojlantirish dasturiga kiritilgan.
Rejalashtirilgan loyihalar doirasida:
- 28 ta turar‑joy majmuasi va maishiy xizmat obyektlari qurilishi ko‘zda tutilgan;
- 5 ta mehmonxona barpo etiladi;
- 2 ta biznes markazi, savdo‑ishbilarmonlik markazi, tibbiyot majmuasi va talabalar yotoqxonasi bunyod etiladi;
- Yangihayot tumanidagi Xo‘ja Uchqun va Yangi Gulzor mahallalarida joylashgan **799 gektar yerda “Yangi Avlod” sanoat zonasi uchun yangi korpuslar quriladi.
Loyihalar uchun jami 2311 gektar yer maydoni ajratiladi.
Shuningdek, bosh rejada bir qator strategik o‘zgarishlar amalga oshirildi:
- 203 ta hudud renovatsiya strategiyasiga o‘tkazildi;
- 46 tasi rekonstruksiya,
- 23 tasi esa konservatsiya strategiyasida belgilandi.
Shaharning Olmazor, Sergeli, Uchtepa, Yakkasaroy va Yunusobod tumanlarida 11 ta yangi yer uchastkasi qo‘shildi. Jumladan, umumiy maydoni 56,42 gektar bo‘lgan yettita hududga renovatsiya, 3,85 gektarli uchta uchastkaga rekonstruksiya, 4,67 gektarli bitta uchastkaga esa konservatsiya strategiyasi tanlandi.